Shërbimi për klient

Blog

Samsung-4

Samsungu po punon në kamerën nën ekran

Industria e telefonave të mençur tashmë ka zgjidhje të ndryshme funksionale për fshehjen ose zhvendosjen e komponenteve të rëndësishme harduerike, zakonisht të pozicionuara në pjesën e përparme të telefonit (kufjet, altoparlantët, sensorët e ndriçimit ose të gjurmëve të gishtërinjve etj.).

Kamera për selfie është një nga sfidat më të fundit në fushën e pajisjeve të krijuara me një ekran të plotë, raporton GSMArena.

Megjithatë, si duket nuk do të kalojë shumë kohë derisa kjo të ndodhë sepse Samsungu tashmë po punon në zgjidhjen e kamerës të vendosur nën ekranin e telefonit. Informacioni arriti fillimisht nga vetë kompania (e bëri të ditur nënkryetari i departamentit të Samsungut për zhvillim dhe hulumtim), ndërsa tani është konfirmuar nga mediat e Koresë së Jugut.

Burimet sugjerojnë se teknologjia mund të zhvillohet deri në atë masë që hapja e kamerës të jetë e padukshme dhe të mos e cënojë funksionalitetin e kamerës ose ekranit, shkruan KOHA Ditore.

Për fat të keq, burimet nuk i përmendin teknologjitë konkrete që do të aplikohen në krijimin e një zgjidhjeje të këtillë, por si duket teknologjia përfshin fusha të ekranit mbi kamerat selfie, të cilat do të duhej të jenë transparente kur kamera nuk përdoret.

Koha.net