Shërbimi për klient

Blog

display

Trump bllokon marrëveshjen rekorde në historinë e teknologjisë

Marrëveshja më e madhe në historinë e teknologjisë, që do të thyente rekordin për shit-blerjen më të shtrenjtë u pengua nga një faktor i tretë dhe i pazakontë.

Presidenti amerikan, Donald Trump bllokoi planin kompanisë Broadcom për të blerë kompaninë Qualcomm për prodhimin e çipeve kompjuterikë dhe për telefona me argumentin se ky transaksion rrezikon sigurinë kombëtare të Shteteve të Bashkuara.

Broadcom dhe Qualcomm kishin rënë dakord në një marrëveshje rekorde që do të kushtonte 140 miliardë dollarë, transmeton tch. Nëse ajo do të ishte realizuar, prej saj do të lindte kompania e tretë më e madhe e prodhimit të mikroçipëve, menjëherë pas Intelit dhe Samsungit.

Ekspertë të teknologjisë e lidhin këtë vendim të Shtëpisë së Bardhë me teknologjinë 5G. Qualcomm konsiderohet lider në këtë fushë, por ka një konkurrencë gjithnjë në rritje nga kinezët e Huawei. Frika se shitja tek Broadcom do t’u linte fushë të lirë rivalëve kinezë për të dominuar në 5G, është arsyeja e vendimit të Donald Trump.

Por, ka edhe një qëndrim tjetër. Disa kritikë të Presidentit të SHBA thonë se më shumë sesa siguria kombëtare, vendimi i shefit të Shtëpisë së Bardhë lidhet me konkurrencën aziatike gjithnjë e në rritje që po sfidon SHBA në fushat ku prej vitesh ka qenë lider.

Koha.net