Shërbimi për klient

Blog

Youtube_3-FINAL

YouTube fshinë dhjetëra miliona komente në videoklipet ku përfshihen fëmijët

YouTube nuk do t’ia lejojë numrit më të madh të kanaleve, të cilët kanë fëmijë në videoklipe, që ta kenë seksionin për komente. Ky vendim u mor pasi që komentet predatore u lanë në videoklipet që përmbajnë fëmijë, raporton The Verge.

Video sajti i popullarizuar në muajt e ardhshëm do t’i largojë përkohësisht komentet nga videot që përmbajnë fëmijë. Vetëm disa kanale të përzgjedhura do të kenë leje për ta përfshirë seksionin për komente, me obligimin për ta monitoruar seksionin e komenteve për arsye sigurie.

YouTube gjithashtu thekson se kohëve të fundit e ka publikuar një algoritëm më të mirë për ta mundësuar identifikimin automatik të komenteve predatore në luftën kundër pedofilisë, shkruan KOHA Ditore.

Vendimi i marrë nga YouTube vjen pasi që korporatat e mëdha (Disney, Nestlé, AT&T dhe krijuesi i Fortnite, Epic Games) i tërhoqën reklamat e tyre nga videot, në seksionet e të cilave për komente u vërejtën komente predatore të individëve.

Si pjesë e reagimit fillestar, YouTube tha se i kishte fshirë dhjetëra miliona komente dhe i kishte larguar mbi 400 kanale që ishin ndërlidhur me komente predatore në video klipet ku përfshiheshin fëmijët.

Gjithashtu, YouTube thekson se këto veprime nuk do të kenë ndikim në fitimet e krijuesve të përmbajtjeve, gjë që ishte një shqetësim i madh për YouTuberët. Rrjeti social ka theksuar se është i përkushtuar për mbrojtjen e komunitetit të YouTube.

Koha.net